حاولت في قلبي وانا أقول بنساك
واعيش دنيا في حياتي جديده
اثر الغلا ماتعجبه غير دنياك
والقلب غيرك ماسكن في وريده
اشتقت لعيونك وصوتك ونجواك
واشتقت لظروفك ولو هي عنيده
قربك شربته كيف أجل ماأقدر أضماك
حبك عرفته كيف ماأحتاج أعيده
قلت السهر واثر السهر مابعد جاك
معذور ماحسيت همَه وكيده
اسهرت عيني والسبب جور فرقاك
والبعد شوقي كل ليله يزيده
الله عطاني حبك لعذاب واعطاك
كل الخصال النايفات الحميده
أنا وليلي والقلم لاذكرناك
ينبت على أوراقي لعينك قصيده
الثلاثاء مارس 25, 2008 10:56 am